Павлодар мен Алматы арасында жаңа жүрдек пойыз жүріп жатыр

Алматы-Павлодар бағыты бойынша кең шанақты қазіргі заманғы «Тұлпар-Тальго» вагондарынан құрылған №31 /32 жаңа жүрдек пойыз іске қосылды.

Алғашқы жаңартылған пойыз Алматыдан 1 сәуірде 16 сағат 12 минутта жолға шықты. Соңғы станцияға ол 2 сәуір күні 17 сағат 20 минутта келді. Жүрдек пойыздың жүру уақыты 24 сағатты құрады, бұл жылдамдықтың артыру есебінен алдыңғыға қарағанда 3 сағатқа аз. Пойыз күн сайын жүреді.

«ҚТЖ - Жүк тасымалы» АҚ филиалы - «Павлодар филиалы МК» директоры Дәулетбек Нығметовтың айтуынша, жолаушылар пойызының кестесі 19 тұру уақыттарын сақтауды ескере отырып әзірленді.

Пойыз 31 «Тұлпар-Тальго» вагондарынан тұрады: 17 - «Турист», 2 - «Бизнес», 1 – «Гранд» классты, 6 - отыратын, сондай-ақ 2 техникалық, 1 жүк және 2 мейрамхана-вагон. Сонымен қатар, мүгедектерді тасымалдау үшін бейімделген вагондар бар.

«Тұлпар-Тальго» жүрдек пойыздарын іске қосу Жүрдеу жолаушылар қатынасын дамыту бағдарламасын жүзеге асыру аясында жүзеге асырылды, оның нәтижесі пойыздардың жол жүру уақытының орташа есеппен екі есеге қысқаруына және жолаушыларға қызмет көрсету сапасының жақсаруына әкелді.

Кең шанақты вагондарды пайдалану пойыз жүру уақытын қысқартуға мүмкіндік береді және жолаушылар тасымалын жақсартады.

Анықтама үшін: Қазіргі уақытта Қазақстанда республиканың барлық аймақтарын біріктіретін «Тұлпар-Тальго» вагондарынан құрастырылған 25 жүрдек жолаушылар пойызы жүріп жатыр. Соңғы 5 жылда отандық өндірістің 600-ден астам «Тұлпар-Тальго» заманауи вагондары сатып алынды. Таяу жылдары тағы 180-ге жуық вагонның жеткізілуі жоспарланып отыр.