«ҚТЖ-Жүк тасымалы» ЖШС жаңа қызметкерлер үшін Welcome-тренинг өткізді
«ҚТЖ-Жүк тасымалы» ЖШС компаниясында жаңа қызметкерлерге арналған Welcome-тренинг сәтті өтті. Бұл тренинг жаңа қызметкерлердің ұжымға және компанияның корпоративтік мәдениетіне сәтті бейімделуіне бағытталған алғашқы қадам болып табылады.
Welcome-тренингтің мақсаты – жаңа қызметкерлерді компанияның ортақ «ырғағына» баулу, жаңа жұмыс міндеттерін тез меңгеруге және жұмыс ортасына сәтті интеграциялануға көмектесу. Тренинг барысында қатысушыларға компанияның құндылықтары мен қағидаттары, сондай-ақ жұмыс барысының негізгі аспектілері туралы ақпарат берілді.
Тренингке қатысушыларға арнап құттықтау сөзін корпоративтік мәселелер жөніндегі Бас директордың міндетін атқарушы Марат Серікұлы Марасилов сөйледі. Ол жаңа қызметкерлердің уақтылы бейімделуі компанияның табысты жұмыс істеуі үшін маңызды екенін атап өтті.
Департамент директоры және тәуекелдерді басқару мен ішкі бақылау секторының жетекшісі Баймағамбетов С.К. «Қателік бағасы: тиімсіз коммуникация бизнестің тиімділігіне қалай әсер етеді?» тақырыбында баяндама жасады. Ол өз сөзінде тиімді коммуникация мен тәуекелдерді басқарудың жоғары өнімділікке қол жеткізудегі маңыздылығын ерекше атап өтті.
Тренинг барысында қатысушылардан кері байланыс алу мақсатында сауалнама жүргізілді. Тренингті департаменттің адами ресурстарды басқару және әлеуметтік саясат жөніндегі бас менеджері Қосахова А.А. қорытындылап, қатысушыларға белсенділіктері үшін алғыс айтты.
Welcome-тренинг корпоративтік мәдениетті нығайтуға және компания қызметкерлері арасындағы өзара іс-қимылды жақсартуға арналған маңызды іс-шара болды.
