Мекен жайы Астана қ., Қонаев көш., 10 үй, 7 қабат
Call-center 8 (7172) 60-30-30
8 (7172) 60-32-52
1895 / 17.01.2018 18:28

«ҚТЖ» ҰК» АҚ мен GE Transportation маневрлік тепловоздар сатып алу мен жолаушылар тепловозына қызмет көрсету туралы Келісімге қол қойды

17 қаңтарда «Қазақстан темір жолы» ҰК» АҚ мен GE Transportation компаниялары арасында маневрлік тепловоздар жеткізу мен магистральдық ТЭП33А жолаушылар тепловоздарына қызмет көрсету бойынша Келісімге қол қойды.

Маңызды құжатқа Мемлекет басшысы Н. Назарбаевтың АҚШ-қа сапары барысында қол қойылды. 300 маневрлік локомотивтердің жинақтары жеткізіліп, «Локомотив құрастыру зауыты» АҚ базасында құрастырылады. Бастапқы екі локомотив 2019 жылы жеткізілсе, қалғаны алдағы он жылға жоспарланған.

ТЭП33А сериясындағы 175 жолаушылар локомотивіне қызмет көрсету келісімі 18 жылға жасалды.

«Біз GE Transportation компаниясымен бірлескен жұмыстар жасау кезінде тиімділігіне көз жеткізіп, стратегиялық серіктестікті одан әрі дамыту қажеттігіне, оның әлеуеті зор болатындығына сенім білдірдік. GE технологиясы Қазақстанның локомотив шаруашылығын дамытудағы негізгі сапалық көрсеткіші жоғарылығы таңдалды. Оның ішінде Астанада жүк және жолаушылар тепловоздарын шығару, 2ТЭ10МК сериясындағы тепловоздарды жаңғырту, қызмет көрсетудің бірлескен жобалары жүзеге асырылды»,-дейді «ҚТЖ» ҰК» АҚ басшысы Қанат Алпысбаев.

«Жаңа Келісім негізінде біздің локомотив паркіміз жаңғыртылып, Қазақстанда шығарылатын өнім түрлерінің аясы кеңіп, оған қызмет көрсету түрлері де артады»,-дей келіп: «өнімдер негізінен Қазақстан ғана емес, ТМД және Балтық жағалауы елдерінің де сұранысын қанағаттандырады. Біз қазіргі таңда «Цифрлы темір жол» бағдарламасы аясында жаңа жобалармен жұмыс жасаудамыз. Бүгінде тасымалдау тиімділігін көтеру мақсатында Trip Optimizer («Рейсті оңтайландырушы») жүйесі өндіріске енгізілуде»,-дейді Қ. Алпысбаев.

GE Transportation компаниясымен серіктестік басталғалы бері «Локомотив құрастыру зауыты» АҚ Қазақстанның теміржол саласы мен таяу шетелдерге арналған заманауи үлгідегі «Evolution» локомотивтерінің 300-ден астамын шығарды.

«Қазақстан темір жолы» ҰК» АҚ баспасөз қызметі

Поделиться:
Популярные новости
27 / 16.04.2024

Екібастұз қ. ГРЭС-1 аумағындағы жазатайым оқиға бойынша ақпарат

2024 жылғы 4 сәуірде "Б. Нұржанова атындағы ГРЭС-1" ЖШС кәсіпорнының кірме жолдарында пойыз құрастырушысының өлімімен жазатайым оқиға болды. Бұл...

31 / 15.04.2024

Мұнай өнімдерін т / ж көлікпен тасымалдау-тұрақты бақылауда

2024 жылдың бірінші тоқсанында ҚТЖ желісі бойынша 4,7 млн тоннадан астам мұнай өнімдері тасымалданды, бұл өткен жылдың сәйкес көрсеткішінен 6...

54 / 09.04.2024

«Темір жол балалардың көзімен» балалар мен жасөспірімдер суреттерінің онлайн байқауын өткізу тәртібі

1. «Темір жол балалардың көзімен» балалар мен жасөспірімдер талантының онлайн байқауы (бұдан әрі – Байқау) Балаларды қорғау күніне орай ...

Соңғы жаңалықтар

Горячая линия

Вы можете сообщить о любых нарушениях Кодекса поведения в том числе о фактах коррупции, мошенничества, неэтичного поведения, дискриминации

Толығырақ


Серіктестер