Дегелен – Семей теліміндегі т/ж вагон рельстен шығып қалды

2016 жылдың 24 желтоқсаны күні 12 сағ. 20 мин. Семей жол бөлімшесінің Дегелен — Семей телімінде № 3498 жүк пойызының жүрісі кезінде «Petroleum» ЖШС компаниясына тиесілі бір вагонның рельстен шығып қалуы орын алды.

Құрбан болғандар және зардап шеккендер жоқ.

Оқиға орнына қалпына келтіру пойызы келді. Құрамына «Petroleum» ЖШС өкілдері кірген «ҚТЖ» ҰК» АҚ-ның арнайы комиссиясы жұмыс жүргізуде. Алдын ала мәліметтер бойынша, вагонның рельстен шығып қалуына бүйір жақ рамасының сынуы себеп болған. Вагонның меншік иесіне залал орнын толтыруға қатысты талап қойылатын болады.

Дәл қазіргі уақытта аталмыш телімдегі пойыздар қозғалысы қалпына келтірілді. «Лениногорск-Астана», «Алматы-1-Павлодар», «Павлодар-Алматы-1» маршруттары бойынша қатынайтын жолаушылар пойыздары межелі жерлерге кешігіп келетін болды.

Қозғалыс 21 сағ. 30 ми. қалпына келтіріледі деп жоспарланған.

«ҚТЖ — Жүк тасымалы» АҚ
Баспасөз қызметі