АСМО-ны енгізу

«ҚТЖ-Жүк тасымалы» ЖШС-нің негізгі пайдалану локомотив деполарында алдынғы және ауысымнан кейінгі медициналық қарап-тексерулердің автоматтандырылған жүйесі (АСМО) енгізіліп, тұрақты жұмыс істеуі ұйымдастырылды.

АСМО мына мүмкіндіктерді қамтамасыз етеді:

• қызметкердің желіге шығар алдында және ауысым аяқталғаннан кейінгі денсаулық жағдайын жедел әрі объективті бағалау;

• тексерулерді өткізу кезінде адами фактордың ықпалын азайту;

• еңбекті қорғау талаптарының сақталуын бақылауды күшейту;

• медициналық құжаттаманы жүргізуді және тексеру нәтижелерін есепке алуды автоматтандыру.

Медициналық қамтамасыз етуді әрі қарай дамыту шеңберінде 2026 жылы АСМО жүйесін айналым (оборот) деполарына және ауыстыру пункттеріне енгізу жоспарланған.

⸻

Сауықтыру іс-шаралары

Қауіп деңгейі жоғары аймақтарда еңбек ететіндер қоса алғанда, қызметкерлердің денсаулығын сақтап, нығайту мақсатында «ҚТЖ-Жүк тасымалы» ЖШС 3 595 қызметкерді санаторий-курорттық емдеумен қамтамасыз етуді көздейді.
Ағымдағы жылдың қыркүйек айындағы жағдай бойынша 2 364 жолдама берілді.

⸻

Өндірістік қауіпсіздік деңгейін арттыру

Қоғамда барлық кәсіптер үшін оқыту бағдарламалары әзірленген, оның ішінде қауіпсіздік тақырыбындағы 100-ден астам арнайы курс бар.
Филиалдарда нұсқама өткізу кезінде оқытушы слайдтар мен бейнематериалдарды көрсету қолданылады. Қызметкерлермен өткізілетін жоспарлы жиындар «Қауіпсіздік минутынан (М қауіпсіздік)» басталып, онда қауіпсіз мінез-құлық мәдениетін қалыптастыру және өндірістік жарақаттың алдын алу мәселелері қарастырылады.