Қарағандыда темір жол көлігі саласындағы сыбайлас жемқорлыққа қарсы іс-қимыл мәселелері бойынша профилактикалық семинар өтті

Қарағанды қаласындағы Теміржолшылар мәдениет сарайында «ҚТЖ-Жүк тасымалы» ЖШС филиалы – Қарағанды бөлімшесінің Қарағанды теміржол торабындағы басшылық құрамы мен қызметкерлеріне арналған профилактикалық-түсіндіру семинары өтті.

Іс-шара «Қазақстан Темір Жолы» ҰК» АҚ жүйесіндегі сыбайлас жемқорлыққа және өзге де құқықбұзушылықтарға қарсы іс-қимыл мәселелеріне арналды.

Семинарға Қарағанды облысы бойынша Сыбайлас жемқорлыққа қарсы іс-қимыл агенттігі департаментінің, Көлік прокуратурасының, Экономикалық тергеу департаментінің, көліктегі полиция мен Көліктік бақылау инспекциясының өкілдері қатысты.

Қатысушыларға құттықтау сөзін НОДГП-4 басшысы Марат Омарұлы Ыбраев пен «Қазақстан Темір Жолы» ҰК» АҚ Комплаенс қызметінің басшысы Жазира Масғұтқызы Рахимова жолдады.

Семинардың қорытынды бөлімінде «Сұрақ-жауап» сессиясы өтті, онда қатысушылар уәкілетті органдар өкілдерінен түсініктемелер алды.

Іс-шараның мақсаты – қызметкерлердің құқықтық сауаттылығын арттыру, ашықтық қағидаттарын нығайту және темір жол тасымалы саласында сыбайлас жемқорлыққа қарсы мәдениетті қалыптастыру.