«ҚТЖ-Жүк тасымалы» ЖШС-нің Бас инженері Кокрекбаев М.К. «ҚТЖ-Жүк тасымалы» ЖШС-нің филиалы – «Қостанай жүк тасымалы бөлімшесінде» кеңес өткізді

Кеңес барысында өңірлік және желілік басшыларға 2024 жылғы өндірістік жарақаттану жағдайлары туралы ақпарат жеткізілді.

Бас инженер 2024 жылдан бастап еңбек жағдайларын жақсартуға, ғимараттар мен үй-жайларды жөндеуге қомақты қаражат бөлінетінін атап өтті. Қостанай өңірі бойынша Есіл пайдалану локомотив депосының әкімшілік-тұрмыстық ғимаратында күрделі жөндеу жүргізілуде, Есіл және Арқалық станцияларындағы локомотив бригадаларының демалыс үйлері жөнделуде.

2025 жылға арналған Компания жоспарлары туралы ақпарат берілді: Мойынты-Балқаш, Бесқол-Достық учаскелерінің құрылысы, Жезқазған-Сексеуіл учаскесінде автоблоктау жүйесін орнату,«Эволюшн» және ТЭМ сериялы локомотивтер паркін жаңарту.

Сондай-ақ, Бас инженер өндірістік қауіпсіздік мәселелерінде әр деңгейдегі басшылардың жеке жауапкершілігі мен белсенді атсалысуының маңыздылығын атап өтті. Қызметтік міндеттерін орындамаудың салдары туралы нақты мысалдар келтірілді.