2025 жылдың 28 қаңтарында Тараз қаласында эксплуатациялық локомотив деполары басшыларына арналған оқу-тренингтің алғашқы күні өтті

Оқытудың мақсаты – кәсіби біліктілікті арттыру, өндірістік процестерді басқару, қозғалыс қауіпсіздігін қамтамасыз ету және ұжымдағы өзара іс-қимылды жақсарту болды.

Тренингке Қазақстанның барлық өңірлерінен локомотив деполарының басшылары қатысты. Оқыту «Тиімді коммуникациялар» және «Стресс тұрақтылығы» тақырыптары бойынша өтті, оны «ҚТЖ» ҰК» АҚ-ның HR-бизнес серіктесі, ішкі тренер Саулебаева Альма Тұрарқызы жүргізді. Бағдарлама лекциялар, практикалық сабақтар, тренингтер және тәжірибе алмасуды қамтыды.

Іс-шараның соңғы кезеңі Ұжымдық шарттың ережелерін түсіндіруге арналды. Қызметкерлердің құқықтары, әлеуметтік кепілдіктерді кеңейту, еңбек дауларын шешу тетіктері және ағымдағы жылда еңбекақы төлеу мәселелері талқыланды.