“ҚТЖ-Жүк тасымалы” ЖШС басшылығы ерекше балалардың жаңа жылдық армандарын орындады

Жаңа жыл қарсаңында “ҚТЖ-Жүк тасымалы” ЖШС басшылығы ерекше балаларға қуаныш пен сиқыр сыйлау мақсатында “Тілектер шыршасы” қайырымдылық акциясына қатысты.

Бұл шараның басты кейіпкерлері – машинист көмекшісінің ұлы және Астана қаласындағы ТЧЭ-11 қызметкерлерінің балалары. Компания басшылығы балаларды келе жатқан мерекемен жеке құттықтап, олардың асқақ армандарын орындады. Бұл оларға ұмытылмас әсер мен мерекелік көңіл-күй сыйлады.

Бұл акция компанияның қызметкерлердің отбасыларын қолдауға және оларға көңіл бөлуге бағытталған жаңажылдық іс-шараларының маңызды бөлігіне айналды. “ҚТЖ-Жүк тасымалы” ЖШС ерекше назар мен қолдауға мұқтаж жандар үшін қамқорлық пен жылылық атмосферасын қалыптастыруға ұмтылады.

Компания басшылығы осы бастамаға қатысқан барлық адамдарға алғысын білдіреді және баршаға қуаныш пен игі істерге толы бақытты Жаңа жыл тілейді.