Қарағанды жүк тасымалдау бөлімшесінде қара метал тиеу 39% өсті

2024 жылдың 11 айының қорытындысы бойынша Қарағанды жүк тасымалдау бөлімшесінің желісі бойынша қара металдарды тиеу көлемі 2,9 млн тоннаны құраса, бұл өткен жылдың сәйкес кезеңімен салыстырғанда 39% - ке артық. Орталық Азия елдері мен Қытайға қара металдардың экспорты 9% өсті.

Қарағанды бөлімшесі қара металдарды тиеу көлемін арттырып қана қоймай, басқа жүктерді тасымалдауды да белсенді дамытуда. Өңірдің жүк ағынының едәуір бөлігін құрайтын көмір тасымалдау көлемі биыл 15 млн тоннадан асты, бұл 2023 жылмен салыстырғанда 2 млн тоннаға артық. Сондай-ақ, арнайы кокс, марганец және басқа да пайдалы қазбаларды тасымалдау көлемі ұлғайды.

Болжам бойынша, тасымалдау көлемінің өсуі 2025 жылы да жалғасады, бұл инфрақұрылымды жаңғырту және логистикалық процестерді жақсарту бойынша қосымша күш-жігерді қажет етеді.

Тасымалдау көлемінің, оның ішінде қара металдар мен көмірдің одан әрі өсуін қамтамасыз ету үшін Қызылжар станциясында инфрақұрылымды кеңейте отырып, реконструкция жүргізілді. Қосымша, соның ішінде төрт қабылдау және бір тартымдық жолы салынды,. Қазіргі уақытта екі жаңа қабылдау-жөнелту жолы пайдалануға берілді.