Ақмола жук тасымалы бөлімшесінде жедел астық топтары тәулік бойы жұмыс істейді

Ағымдағы жылдың 1 қыркүйегінен бастап Ақмола жүк тасымалдау бөлімшесінде жедел астық топтары тәулік бойы жұмыс режиміне көшті.  Топ отырыстары күн сайын экспорттаушылардың, астық трейдерлерінің және облыстық әкімдік өкілдерінің қатысуымен өткізіледі. Жүк жөнелтушілер мен алушылардың астығын жөнелту бойынша туындайтын барлық мәселелер жедел түрде шешіледі.

Бөлімшеде астықты үздіксіз тасымалдауды ұйымдастыру үшін жұмыстар жүргізілді. Астықты жаппай жөнелту кезеңінде орташа тәулік сайын 37 маневрлік локомотив жұмыс істейтін болады, бұл тасымалдауды ұйымдастыру үшін жеткілікті.

Осы жылдың қыркүйек айының басынан бастап бөлімше желісі бойынша 137 мың тоннадан астам астық тиелді, оның 79% - ы экспортқа жіберілді, қалғаны елдің оңтүстік өңірлеріне жеткізілді. Ақмола астығы Орталық Азия, Иран, ҚХР және Ауғанстан елдеріне экспортталады.

Жүк жөнелтушілердің бос вагондарды тасымалдауға және қамтамасыз етуге барлық өтінімдері толық көлемде орындалады.

«ҚТЖ Жүк тасымалы» ЖШС баспасөз қызметі