Ақмола бөлімшесі станцияларының басшылары үш күндік оқудан өтті

ЖТ Ақмола филиалының қызмет атқарғанына бір жыл толмаған темір жол станцияларының басшыларына оқу сабақтары өткізілді. Оған өңірдегі 12 станция бастығы қатысты. Көкшетау станциясында тыңдаушылар үшін оқу-жаттығу комиссиясының тексеруі ұйымдастырылды. Оны бөлімнің бас инженері Сайран Баржақсин өткізді. Станция басшылары жолдың, электрмен жабдықтаудың, белгі беру және байланыс құрылғыларының қондырмасындағы ақауларды немесе ауытқуларды анықтау процесін пысықтады. Тәжірибеге қатысушылар пойыздар қозғалысының қауіпсіздігін және тасымалдау процесінің үздіксіз қамтамасыз етілуіне қатысты іс-қимылдарды орындады.

«Станция басшылары инфрақұрылымға көбірек көңіл бөлуі керек.Сабақтар барысында қозғалыс қауіпсіздігін және еңбекті қорғауды қамтамасыз ету, станциялардың жұмыс көрсеткіштерін орындау, нормативтік-техникалық құжаттаманы сапалы дайындау және басқа да маңызды тақырыптар қаралды», - деді Сайран Баржақсин.

  Оқыту қорытындысы бойынша станция басшыларына комиссиялық тексеруді жүргізуге қажетті негізгі құралдары бар көрнекі құралдар ұсынылды.

 «Қазақстан темір жолы» ҰК» АҚ баспасөз қызметі