Жүк көлігі заңгерлері ең жақсы сот тәжірибелерімен алмасты

«ҚТЖ-Жүк тасымалы» ЖШС-де Сот және талап-арыз жұмысы мәселелері жөніндегі үйлестіру кеңесінің алғашқы белгіленген отырысы өтті. Оған жол бөлімшелері заң қызметтерінің өкілдері қатысты.

Іс-шараның басты мақсаты – үздік сот практикаларымен алмасу үшін «орталық» заңгерлері мен жол бөлімшелерінің өзара іс-қимылын жандандыру.

– Үйлестіру кеңесінің бірінші белгіленген отырысында 2023 жылға арналған жұмыс басымдықтары айқындалды. Мұндай кездесулер тоқсан сайын өткізілетін болады. Бөлімше деңгейінде өндірістік немесе әлеуметтік-экономикалық мәселелерді шешкен табысты сот практикасы таралымының  әлеуеті бар, - деп атап өтті Үйлестіру кеңесінің төрағасы, құқықтық мәселелер жөніндегі атқарушы директор Уәлихан Уаисов.

Өз қызметі шеңберінде «ҚТЖ-Жүк тасымалы» ЖШС заң қызметтері әртүрлі өңірлерде ұқсас жағдайларда пайдалануға болатын ондаған түрлі табысты сот практикаларын қалыптастырады, бұл жалпы жұмыс нәтижелілігін жақсартады.