ТАМЫЗДА ТЕМІРЖОЛ КӨЛІГІМЕН 22 МЛН. ТОННА ЖҮК ТАСЫМАЛДАНДЫ

ТАМЫЗДА ТЕМІРЖОЛ КӨЛІГІМЕН 22 МЛН. ТОННА ЖҮК ТАСЫМАЛДАНДЫ

«ҚТЖ» ҰК» АҚ желісі бойынша ағымдағы жылдың тамызында тиелген жүк көлемі 22 млн. тоннаны құрады. Тас көмірдің 8,6 млн. тоннасы тиелсе, еліміз ішінде тасымалданғаны – 6 млн. астам тоннасы.

Тиелген астық 400 мыңнан астам тоннаны құраса, соның ішінде экспорт – 287 мың тонна. Ағымдағы жылдың тамызындағы пайдалану жүк айналымы 19 млрд. т-км нетто-ға жетіп отыр.

Толықтай алғанда, 2019 жылдың 8 айындағы қорытынды көрсеткендей, «ҚТЖ» ҰК» АҚ желісі бойынша 165 млн. тонна жүк тиелген. Атап көрсеткендей, тас көмірдің – 65 млн. тоннасы, соның ішінде еліміз бойынша – 44 млн. тоннадан астам, астық – 6,4 млн. тонна болса, соның 4,3 млн. тоннасы экспортқа жөнелтілді.

Қаңтар-тамыздағы пайдалану жүк айналымы 146 млрд. астам т-км нетто-ны құрады және өткен жылдың сәйкес кезеңімен салыстырғанда 0,6% өсті. Өткен жылдың сәйкес кезеңімен салыстырғанда жұмыс вагонының айналымы (+2,2%), жүк пойызының учаскелік және техникалық жылдамдығы, жүк вагоны (+2,8%) мен локомотив (+2%) өнімділігі сияқты пайдалану қызметінің сапалық көрсеткіштері жақсарды.