Мекен жайы Нұр-Сұлтан қ., Қонаев көш., 10 үй, 7 қабат
Call-center 8 (7172) 60-30-30
АҚМОЛА ТЕМІРЖОЛШЫЛАРЫ АСТЫҚТЫ ЖОСПАР БОЙЫНША ЖЕТКІЗУДІ ҚАМТАМАСЫЗ ЕТУДЕ
164 / 11.07.2019 00:00

АҚМОЛА ТЕМІРЖОЛШЫЛАРЫ АСТЫҚТЫ ЖОСПАР БОЙЫНША ЖЕТКІЗУДІ ҚАМТАМАСЫЗ ЕТУДЕ

Теміржолшылар Көкшетау мен Петропавловскіде Солтүстік Қазақстан мен Ақмола ауыл шаруашылығы кәсіпорындарымен, ірі астық трейдерлері мен экспедиторлармен жаңа астықты үздіксіз тасымалдауды қамтамасыз ету мәселелерін талқылады.

Ақмола теміржол бөлімшесінде астық тиеу ағымдағы жылдың 6 айында 2,3 млн. тоннаны құрады. Осы көлемнің 79% Орталық Азия, Иран, ҚХР, Түркия, Бельгия, Италия және Ауғанстан елдеріне эекспортталады. Ал 20% еліміздің оңтүстік өңірлеріне жөнелтіледі.

Ағымдағы жылдың аяғына дейін ұңтақ өнімдері мен астықтың 6 млн. тоннасы тасымалданады деп жоспарланса, бұл өткен жыл көрсеткішінен 10% көп. Республикаішілік қатынаста 1,3 млн. тонна жеткізілетін болса, экспорттық қатынаста – 4,7 млн. тоннасы, бұл 2018 жылғы деңгейден 10% жоғары.

636 мың тонна ұңтақ өнімін тасымалдау жоспарланса, соның 423 мың тоннасы – экспортқа.

2019 жылы Вьетнам, Қытай, Түркия, Италия және өзге де елдерге бөлінген бидай мен ұнның контейнерлік тасымалы көлемі артты. Ақмола жол бөлімшесі бойынша жасымық, бидай мен арпа 900 астам контейнерге тиелді. Бұл тұтынушыларға дейін жүктерді жедел жеткізуді қамтамасыз етіп, вагон айналымы мен тасымалдау уақытын қысқартады.

«ҚТЖ» ҰК» АҚ Тасымалдарды жоспарлау жөніндегі атқарушы директоры Нұржан Келбұғанов контейнерлік пойыздарды құру процесі бекітілген кесте мен бағыт бойынша тасымалды жүзеге асыруға мүмкіндік беретіндігін атап көрсетті. Осындай құрамдар үшін пойыздардың жүру бағытындағы тұру уақыты қысқарады және тасымалданатын жүктің сақталуы қамтамасыз етіледі.

«Ақмола бөлімшесінің теміржолшылары жарияланған жоспарға сәйкес өңірдің ауыл шаруашылығы өнімдерін жөнелту бойынша сапалы да өнікті жұмысқа ұмтылып отыр», - деді Н.Келбұғанов.

Талқылау барысында жүкжөнелтушілер элеваторлардың демалыс және мереке күндеріндегі жұмыс кестесіне шағымданды. Осы, егер жұмыс күндері астық тиеу орташа тәулігіне 15 мың тонна болса, ал демалыс күндері оның бағасы 2 есеге дейін құлдырап шыға келеді. Осыдан вагондар элеваторлар мен диірмен кешендерінің кіреберіс жолдарында тұрып қалады. Тасымалдау процесіне ілеспе және тасымал құжаттарын рәсімдеу кезінде тұрып қалулар мен тиеу кестесінің дұрыс жоспарланбауы ықпал етуде.

«Жылжымалы құрамды тиімді пайдалану астық көлемін барынша көп алып кетуді қамтамасыз етеді және вагондардың жоғарынормативті айналымын қысқартуға мүмкіндік береді», - деп қаперге салған теміржолшылар келісім-шарттық қатынаста жылжымалы құраммен қамтамасыз етпегені мен жоғарынормативті вагондарды ұстағаны үшін айыппұл қарастыру керектігін ұсынды.

Поделиться:
Популярные новости
2 / 11.12.2019

Теміржолшылар өтпедегі қақтығыстың алдын алды

10. 43 сағатта күзетілетін теміржол өтпесінде - Қарағанды-Сортировочная – Нұр- Сұлтан учаскесінде машинист Алматы – Петропавл қатынасындағы №15 ...

56 / 13.11.2019

Қосымша келісімге қол қойылды

2018 жылғы 26 наурыздағы №470-ЦЖС/03/50-ГП магистральдық темір жол желісі қызметтерін көрсетуге арналған шартқа "ҚТЖ Жүк тасымалы" АҚ тарапынан ...

67 / 05.11.2019

«ҚТЖ» ҰК» АҚ ЖЕЛІСІ БОЙЫНША ҚАЗАНДА ЖҮКАЙНАЛЫМЫ 5,4% ӨСТІ

2019 жылдың қазанында «ҚТЖ» ҰК» АҚ желісі бойынша тиеу 2018 жылдың сәйкес кезеңімен салыстырғанда 1,9% артты және 23,3 млн. тоннаны құрады. Эксп...

Соңғы жаңалықтар

Горячая линия

Вы можете сообщить о любых нарушениях Кодекса поведения в том числе о фактах коррупции, мошенничества, неэтичного поведения, дискриминации

Толығырақ

Серіктестер