Ең үлкен бақыт - сүйікті ісіңмен айналысу
Адал еңбегі мен жұмысында көрсеткен белсенділігі үшін өнеркәсіптік қауіпсіздік және экология департаментінің 2-ші деңгейлі менеджері Аманқос Оразұлы Надиров «Адал еңбегі үшін» төсбелгісімен марапатталды.
Ол өз өмірінің 40 жылын темір жолға арнады, үлкен кәсіби және құрметті тұлға болды. Ол жұмысына әрдайым принципшіл және қатал.
Аманкос Надировтың пікірінше, ең үлкен бақыт – өз сүйікті ісіңмен айналысу. Бала кезінде өзіде-ақ ол пойыз машинисті болуды шешті. Ол «машинист» сөзін ол «Еңбек Ері» деген атақ сияқты үлкен құрметпен айтады.
- Мен теміржол желісін, жүріп келе жатқан пойызды, және де құрметті және мақтан тұтатын тұлға болып көрінген машинистті көрдім. Содан кейін менде бір ұшқын пайда болды, сөйтіп темір жол менің әуестілігім деп шештім», - дейді ол.
Әскерден кейін Атырау қаласындағы локомотивтік эксплуатациялық депода машинист көмекшісі болып жұмыс істеді. Содан кейін Қазалыдағы машинисттердің теміржолшылар мектебін аяқтады және 22 жасында алғаш рет локомотивтің оң жақ пультіне отырып, депоның ең жас машинистерінің бірі болды.
- Құрдастарымнан артта қалғым келмеді, сөйтіп темір жол институтына түстім. Кейінірек ол Атырау қаласындағы депода инженер-нұсқаушы, эксплуатация жөніндегі директордың орынбасары болып жұмыс істеді. 1997 жылы оған ревизор лауазымын ұсынды. Ұзақ ойландым, содан кейін келістім. Атыраудағы темір жол бөлімшесінде13 жыл жұмыс істедім, содан кейін «Локомотив» АҚ-ның ревизоры болып жұмыс істедім,- деді ол.
Күрделі қайта құру жылдарында Аманкос Надиров теміржолға адал болып қалды. Оның айтуынша, ол үшін темір жол - көліктің ең қауіпсіз және сенімді түрлерінің бірі.
- Мен осында жұмыс істейтін адамдарды, олардың жұмыстарына деген көзқарасын білемін және теміржолдың сенімді қолында екенін көремін. Теміржолшылар жұмыс істеп қана қоймайды, олар онымен өмір сүреді! Осылай болуы қажет те. Егер адам өзінің жұмысын сүйсе, онда ол жұмысына қосқан үлесін марапаттармен өлшемейді », - дейді ол.
Оның қанжығасында көптеген лайықты және құрметті марапаттар бар. Олардың ішінде «Жол қозғалысы қауіпсіздігі үшін» төсбелгісі, «Локомотив» АҚ президенті сыйға тартқан атаулы сағат. Дегенмен, ол үшін ең бағалы марапат - 40 жыл бұрын машинист көмекшісі болып жұмыс істеген кезінде алған ризашылық хаты. Оның бұл сарғайып кеткен қағазы отбасылық мұрағатта мұқият сақтаулы.
