Автобус жүргізушісі телефонмен сөйлесіп келе жатып Павлодар бөлімшесінің күзетілмеген өткелінде пойызбен соқтығыса жаздады

2018 жылдың 2 шілдесінде, сағат 20:20-да, Павлодар-Екібастұз учаскесінің Үшқұлын-Тоқұбай аралығының күзетілмейтін теміржол өткелінде, 22 км/сағ жылдамдықпен жүріп келе жатқан жүк пойызының машинисті ПАЗ маркалы автобустың теміржол жолға кенеттен шығуына байланысты шұғыл тежеуді қолдануына тура келді. Қақтығысудың алдын алу мүмкін болмады.

Соқтығысу нәтижесінде 11 жолаушы тасымалдап келе жатқан автобус жыраға құлады. Үш адам түрлі дәрежедегі жарақаттар алды. Оқиға орнында ІІЖБ мен ЖТ Павлодар филиалының өкілдері жұмыс істеді.

ЖКО қызметтік тергеудің қол қойылған актісіне сәйкес, соқтығысу автокөлік жүргізушісінің теміржол өткелін өту ережелерін бұзуына байланысты болды. Автобус жүргізушісі ұялы телефонмен сөйлесіп келе жатып, алаңдауының кесірінен бағдаршамның тыйым салынған белгісіне өтіп кеткендігін мойындады.

Өткел дабыл жүйесімен жабдықталған. Дабыл жүйесі дұрыс жұмыс істеп тұрған.

«ҚТЖ – Жүк тасымалы» АҚ баспасөз қызметі