Теміржолшыларға ақпараттық қауіпсіздік туралы айтылды

«КТЖ-Жүк тасымалы» АҚ-ның орталық аппаратында ақпараттық қауіпсіздік бойынша техникалық сабақ өтті. Онда өз құрылымдарында ақпараттық қауіпсіздікке жауапты департаменттердің басшылары мен мамандары қатысты.

Ақпараттық жүйелер департаментінің менеджері Асқар Сыдықов ақпараттық тәуекелдер туралы және оларды болдырмау бойынша атқарылған шаралар туралы айтты. Оның айтуынша, ақпараттық қауіпсіздікті қамтамасыз ету және қолдау - ақпараттың бүлінуінен, бұрмалаудан, бұғаттаудан немесе көшіруден қорғауға бағытталған шаралар жиынтығы.

Іс-шара барысында ақпараттық қауіпсіздікті қамтамасыз ету бойынша құқықтық және нормативтік-әдістемелік базасы, шектеулі қолжетімділік туралы ақпаратты техникалық қорғауды қамтамасыз ету бойынша негізгі талаптар мен ұсынымдар, компьютерлік жүйелер мен желілердің қауіпсіздігін қамтамасыз ету шаралары қарастырылды.