Шығыс Қазақстанда су тасқынынан зардап шеккендер қоныс тойын тойлауда

«ҚТЖ - Жүк тасымалы» АҚ-ның Шығыс Қазақстан және Семей филиалдарының қызметкерлерінің күштерімен қираған үйлерді қалпына келтіру және зардап шеккендерді қажетті заттармен, соның ішінде дәрі-дәрмек, киім-кешек және құрылыс материалдарымен қамтамасыз етуге қаражат жинады. Сонымен қатар, су тасқынынан 26 үй зардап шеккен Аягөз станциясының теміржолшылары өзеннің бөгетін нығайтуға, аумақты тазалауға, қалпына келтіру жұмыстарын жүргізуге үлкен көмек көрсетті. Қазір жеті отбасы жаңа тұрғын үй алды, қалған үйлер қалпына келтірілуде. Сәуір айының басында станцияның екі жүзден астам қызметкері сенбілікке шығып, еріген сумен келген қоқыстарды тазалады.

Жалпы алғанда, ШҚО теміржолшылары «Аягөз-Болашақ» қоғамдық қорына 12,5 миллионнан астам теңге аударды. Бұдан басқа қайғылы жағдайға бей-жай қарамаған Алматы теміржол бөлімшесінің қызметкерлерінен қордың есеп айырысу шотына 2 млн. теңгедей келіп түсті.

- Үйлері толығымен қираған біздің үш қызметкерімізге, әрқайсысына 500 мың теңге көлемінде атаулы көмек көрсетілді, - дейді «ҚТЖ – жүк тасымалы» АҚ – «Семей бөлімшесі МК» филиалының директоры Марлен Көкірекбаев.