Жүк тасымалдау әлеуеті өсуде
Алматыда жұмыс жиналысы барысында «ҚТЖ – Жүк тасымалы» АҚ филиалдарының өндірістік және қаржылық қызметінің 2018 жылдың бірінші тоқсанына арналған қорытындылары шығарылды және және жыл аяғына дейін қойылған міндеттер айқындалды. Кездесуді «ҚТЖ-Жүк тасымалы» АҚ Интеграциялық жоспарлау және ақпараттандыру жөніндегі вице-президенті Сағындық Жұмабаев және «ҚТЖ - Жүк тасымалы» АҚ-ның операциялық қызмет жөніндегі вице-президенті Марат Шакенов басқарды.
Сағындық Жұмабаев атап өткендей, есепті кезеңде жүктерді тасымалдау бойынша жоспарланған тапсырмалар орындалды. Жүк тиеудің артуы астық, құрылыс жүктері сияқты жүк номенклатуралары бойынша байқалады. Ол ағымдағы жылдағы басым міндеттердің бірі - жүк жөнелтушілердің мәлімделген көлемін қамтамасыз ету, жаңа көлемдерді тарту, транзиттік пойыздардың өткізілуін қамтамасыз ету екендігін атады, бұл өз кезегінде «ҚТЖ-Жүк тасымалы» АҚ кірісінің ұлғаюына әсер етеді. Жұмабаев жүк тасымалының одан әрі өсуінің жоғары әлеуетін атап өтті.
- Біз тәулігіне 800 және одан да көп тонна жүктерді тиеуге дайынбыз. Жылдың соңына дейін жоспарланған жоспарға қосымша 20 миллион тонна жүк тасымалдау үшін барлық жағдай жасалға », - деді ол.
Жиналыс барысында пойыздардың қозғалысының қауіпсіздігін қамтамасыз ету, өндірістік процестерді жетілдіру бойынша алдын алу шараларын өткізу қажеттілігіне баса назар аударылды. Филиалдарда жылжымалы құрамды тиімді пайдалану мәселесіне жеткіліксіз көңіл бөлінетіні аталып кетті. Осы мәселе бойынша іс-шаралар жоспарын әзірлеу тапсырылды.
Сонымен қатар, жүк тасымалдау бөлімдерінде қызметкерлерді әлеуметтік қорғауға, әлеуметтік тұрақтылық рейтингісін арттыруға, еңбек және демалыс жағдайларын жақсартуға бағытталған іс-шараларды өткізудің маңыздылығына назар аударылды.
– «Қызметкерлердің әлеуметтік әл-ауқаты мен қызығушылығы – бұл жоғары өндірістік көрсеткіштердің кепілі», - деп қорытындылады вице-президент.
Жиналыста бірқатар филиал басшыларының жұмыс көрсеткіштерін орындау туралы, жол қозғалысы қауіпсіздігі деңгейінің жай-күйі туралы баяндамалары тыңдады. Жиналыс нәтижесінде өндірістік процестерді жетілдіруге және жол учаскелері қызметінің тиімділігін арттыруға бағытталған ұсыныстар жасалынды.
