Бірінші байлық – денсаулық

Жамбыл бөлімшелік көліктегі тұтынушылардың құқықтарын қорғау басқармасының мамандары Жамбыл локомотив пайдалану депосының жұмысшыларымен «Туберкулездің алдын алу» тақырыбында семинар өткізді.

Оған барлығы 46 адам қатысып, адам өміріне қауіпті ауру жайлы ақпаратқа қанықты. Семинарда сөйлеген басқарманың бас маманы С.Қожанбекова науқастың алғашқы белгілері, алғаш ауырған кезде қандай медициналық шаралар қабылдау және көрсету керектігі жайлы пайдалы кеңестер айтып, көпшіліктің түрлі сауалдарына жауап берді. Семинар барысында аурудың алдын алса, одан құлантаза айығып, ерте кезде құтылуға болатындығына баса назар аударылды.

Бірақ, дәрігерлердің айтуынша, көп ретте жұртшылық оған мән бермей, уақыттарын өткізіп алады да, көп уақыт емделуге тура келеді.

Міне, осы жайлардың барлығы аталмыш семинарда толықтай айтылып, көпшілік талқысына салынды. Локомотившілер мұндай маңызды семинарды ұйымдастырушыларға алғыстарын жеткізді.