500 машинист шеберлігін шыңдады

Өткен жылы 500 локомотив машинисі қазіргі заманғы темір жол тұлпарларын жүргізу жүргізуді үйреніп, қыр-сырына қаныққан.

Локомотив бригадаларын оқыту, кәсіби біліктілігін көтеру сынды өзекті мәселелерге байланысты алып машиналарды тізгіндеушілер Астанадағы арнайы нысанда оқудан өткен. Бұл тұста «ҚТЖ» ҰК» АҚ елордалық темір жол көлігі еңбеккерлерін оқыту орталығының қызметі кәдеге жарап, 200 машинист ТЭ33А сериялы тепловозын, 300 машинист КZ8А сериялы электровозын күнделікті қолданыста пайдалану ережелері арқау болған сабақтарға қатысқан.

Тартым құралы мамандарының техникалық білімін көтеру мақсатында компьютерлік бағдарламалар және локомотивтердің қауіпсіздік, өртке қарсы құрылғылары, тораптары мен өзге де бөлшектері жұмысын бақылауға арналған тренаржерлер сатып алынған екен. Курстар барысында локомотивте немесе пойыз құрамында кездесетін кілтипандарды дер кезінде байқап, шұғыл қажетті шаралар қабылдау аясында дағдыларды шыңдап, ысылдыруға жағдай жасалған. Сонымен қатар, тұрақты негізде еліміздің барлық локомотив пайдалану депосында техникалық пәндер шымылдығын түруде екені атап өтерлік жайт. Осы орайда КZ8А жүк электровозының алғашқы үлгісін жобалауда «Прима» тобының өніміне назар аударылып, қатаң ауа райы ахуалындағы 1520 жолтабанына бейімдетіліпті.