9 тепловозбен толығуда

Қараша айында Түркістан локомотив пайдалану депосының өндірісіне «Эволюшн» сериясындағы жаңа 9 тепловоз қосылмақ.

Мұның себебін, бақылау бөлімінің басшысы Нұрлан Жұматайұлы жолаушылар пойызына басымдық берілуімен түсіндіріп отыр. Тоғыз тепловоздың дені Мақат, Қызылорда, Ақтөбе өңірінен жетпек. Ақтөбедегі локомотив жөндеу депосында тепловоздардың электро-пневматикалық тежегіштері модернизацияланған соң, олар түркістандық депо қарамағына беріледі. Жақында Ақтөбеден келген ТЭ33A-0166 сериясындағы алғашқы тепловоз №615 Түркістан – Cексеуіл телімінде қатынайтын жолаушылар пойызына тартымдық қызмет көрсетуге жұмылдырылды.

Казахстан темиржолшысы