Ардагер машинисті құттықтады

Ақтөбе локомотив пайдалану депосының ұжымы таяуда ардагер-машинист Владимир Арефьевті 90 жылдық мерейтойымен құттықтап барды.

Еңбек жолының 40 жылын локомотив шаруашылығына арнаған, ақсақалдың шаңырағына арнайы барған ардагерлер кеңесі мен кәсіподақ комитеті өкілдері жылы лебіздерін жеткізіп, сый-сыяпат тарту етті.

Владимир, ақсақал Ұлы Отан соғысының ардагері. «Мәскеуді қорғағаны үшін», «Ерлігі үшін» және бірнеше мерекелік медальдармен марапатталған ардагер бейбіт өмірде тепловоздың «құлағында ойнаған» тәжірибелі машинист болғанын айтады замандастары. Мерейтой иесі өзін құттықтай келген әріптестеріне риза болып, дастархан басында ұзақ әңгіме-дүкен құрып, бір жасап қалды, өз кәсібі туралы да көп ғибратты әңгіме айтып, кейінгі буын машинистерге батасын беріп, еңбектеріне жеміс тіледі.