Локомотив бригадасы қысқы дайындыққа кірісті

«Локомотив» АҚ құрылымдық бөлімшесінде күзгі комиссиялық тексеру тартымдық жылжымалы құрамды тексеруге кірісті.

Комиссия электрожылжымалы құрамның қыс мезгілінде жұмысқа жарамдылығын, жанар май ресурстарын, локомотивтердің қосалқы бөлшектері мен құрылғыларын тексерді.

Пойыздардың қозғалыс қауіпсіздігін қамтамасыз етуге, қарлы және боранды күндері локоматив бригадаларының жұмысқа жарамды болуына баса назар аударылды.

«Локомотив» АҚ локомотивтер жағдайы мониторингісі бөлімінің бастығы Асқар Майшиновтың айтуынша, комиссиялық тексеру локомотивтердің техникалық жағдайларын жақсартып қана қоймай, аппараттың кәсіби деңгейін арттырады.

Күзгі комиссиялық тексеріс ағымдағы жылдың 31-қазанында аяқталады.