«Локомотив» АҚ балаларға теміржолдан өту тәртібі туралы ескертеді

«Локомотив» АҚ жұмыскерлері астананың мектеп оқушыларымен теміржолдан өту ережесі туралы айту үшін кездесу өткізді.

Профилактикалық сұхбатта 5–7 сынып оқушылары қатысты. Балаларға темір жолдың жанынан өту ережесі жазылған буклеттер таратылып, мектептерде осы тақырыпқа плакаттар ілінді.

Кездесу барысында «Локомотив» АҚ өкілдері оқушыларға темір жол — ең қауіпті аймақ екенін ескертті. Балалар үшін осындай акцияларды поездар қозғалысы аймағында жарақаттану жағдайларын болдырмау мақсатында «Локомотив» АҚ филиалдары — пайдалану локомотив деполары жылына екі рет: жазғы демалыстың басында және оқу жылының басында өткізеді.

2014 жылдың 8 айында «Локомотив» АҚ машинистері соғып кетуді болдырмау бойынша 3762 шұғыл тежеу жағдайларын қолданды. Адамдарды қағып кетуден 70 жағдай тіркелді, жеті жағдайда балалар зақымданды.

Теміржолда балалар жарақатының кеңінен таралуының себебі жеке басының абайсыздығы — дәлелсіз немқұрайдылық, өтетін көпірді қолданбаулары, жол бойында белгіленбеген орындардан жүрулері, тентектік жасау және ойнау.