«Локомотив» АҚ-да «Нұр Отан» партиялық тобының қоғамдық қабылдауы ашылады
Мұндай шешім «Локомотив» АҚ партиялық тобының жуық арадағы өткен мәжілісінде қабылданды. Сондай-ақ жиналыста партия мүшелеріне жаңа үлгідегі партиялық құжат табысталды.
Жиналғандарды партияның 2015–2025 жылдарға арналған жемқорлыққа қарсы әрекет жасау бағдарламасымен таныстыра отыра, «Локомотив» АҚ партиялық тобының жетекшісі Серік Әбенов қоғамдық қабылдауды құру қажеттілігі туралы мәлімдеді.
— Мұндай қабылдаудың басты мақсаты- жұмыскерлердің жемқорлыққа қарсы наразылықтары туралы мәселе шұғыл шешіледі,-деді ол. Сондай-ақ,партиялық бақылау тобының құрамын бекіту қажет.
Талқылау барысында партия тобының бір мүшесіне жұмыскерлерді белгіленген күні және белгілі уақытта қабылдау жүргізуді жүктеу туралы шешім қабылданды. Сонымен қатар бұған қосымша өтініштер мен талаптарға арналған арнайы жәшік орнату қажет. Түскен хаттар партиялық топтың мәжілісінде партиялық бақылау тобының үш адамнан тұратын: заңгер және 2 қаржы және техникалық блок мамандарының төрағалығымен алқа болып қарастырылады.
Кездесу соңында Серік Әбенов партия мүшелеріне жаңа форматтағы партия құжаттарын табыстады.
