Паровоз Қазақстан мен Швецияның достығын мәңгі есте қалдырды

Өткен сенбіде Астананың вокзал алаңындағы тарихи ескерткіш — паровозында жаңа ескерткіш тақта пайда болды.

Бірнеше қазақ,орыс және, ағылшын тілдерінде ойып жазылған жолдарда он жыл бұрын астана вокзалы маңында орнатылған Эш-4161 сериялы паровоздың ерлігі жайлы айтылады.

Паровоз XX ғасырдың 20-жылдарының басында совет үкіметінің тапсырысы бойынша Швецияда жасалған. КСРО үшін барлығы 500 дана машина жасалынды.

«Локомотив» АҚ бас инженері Кәрім Ахметов айтқандай, бұл тарихи техниканың қызмет ету мерзімі құрметке ие.

Паровоз 60 жылдай жұмыс істеді. Оның мойнына Ұлы Отан соғысы мен халық шаруашылығын қайта қалпына келтіру кезеңіндегі ауыр жылдар бұйырды. Соғыстан кейін оны туған Жамбыл депосына қайтарды. Тепловоз жетегіне көшкеннен кейін паровоз Жамбыл қаласындағы локомотив депосының мұражайында экспонат болып тұрды.

Ал Қазақстан темір жолының ғасырлық мерейтойы жылы локомотив мәңгілік тұраққа астанаға берілді.

Ашылу салтанатында Қазақстан Республикасындағы Швецияның төтенше және өкілетті елшісі Манне Вэнгборг Қазақстан темір жолшыларына ескерткішке ұқыпты қарағандары үшін алғысын білдірді және өз елі және КСРО-ның өзге мемлекеттері көптеген бағыттар бойынша ұзақ жылдары әсіресе, темір жол саласында тығыз байланыста қызмет еткенін айтып өтті.

Қазақстан мен Швеция арасындағы мәдени-экономикалық байланыс қазір-де дамуын жалғастыруда. «Қазақстан темір жолы» ҰК» АҚ бас инженері Серік Төлебаев паровоз Қазақстанның болат магистральінің тарихын мәңгі есте қалдырды және астанамыздың көрнекі орындарының бірі болып саналатынын атап кетті.