Қажетті ақпарат алды

Демократиялық тұрғыда халқымыздың қолдауына ие болып жүрген «Нұр Отан» партиясының Қызылорда темір жолы филиалының ұйымдастыруымен  өткен кездесуге қатысушылар алдында көліктегі тұтынушылар құқықтарын қорғау басқармасы директорының орынбасары А.Рысбаев баяндама жасап, көпшіліктің  сауалдарына жауап қайтарды. Ең алдымен ол Елбасы 13.11.2013 жылғы №651 Жарлығына сәйкес, Агенттіктің алдына тұтынушылардың құқықтарын қорғау, халықтың санитарлық-эпидемиологиялық салауаттылығын және өнімдердің сапасы мен қауіпсіздігін қамтамасыз ету бойынша 3 негізгі міндет қойылып отырғанын атап өтіп, жеке-жеке және жан-жақты түсінік берді.
Сонымен қатар, ол бүгінгі күні көрсетілген міндеттерді шешу үшін ҚР «Тұтынушылардың құқықтарын қорғау Агенттігі» айқындап отырған алты негізгі бағыттарға да тоқталды. Сонымен қатар,  аймақтық көлік басқармасының аға прокуроры К.Ердәулетов, көлік прокурорының аға көмекшісі Ж.Молдабек және депо бастауыш партия ұйымының төрағасы Ж.Мұсаевтар  өз ойларымен бөлісіп,  нақты пікірлерін білдірді.
Қысқасы, кездесу барысында депо ұжымы тұтынушылардың негізгі құқықтары қандай болуы керек екендігін және тұтынушылар құқығын қорғаудың жолдары жөнінде толық ақпарат алды.    
Базара ТАҢДАЙ,
«Нұр Отан» партиясы «Теміржол»
филиалы төрағасының бірінші орынбасары