«Локомотив» АҚ еңбеккерлері Қазақстанның шипажайларында оңалту шараларынан өтті

Үстіміздегі жылы «Локомотив» АҚ-ның 1,4 мың еңбеккері еліміздің жипажайларында сауықтыру курстарынан өтті. Еңбеккерлерімізге Павлодар, Қарағанды, Қостанай және Оңтүстік Қазақстан облыстарының ең таңдаулы деген шипажайларында оңалту шаралары ұсынылды. Шипажайларға бару жұмыс берушінің қаражатынан жүзеге асырылды. Еңбеккер 10 күннен құралған санаториялық-курорттық емделу жолдамасы құнының 20 пайызын ғана төлеген болатын.

— Осы уақыт аралығында біздің жұмыскерлеріміз дәрігер тағайындауы бойынша емдеу процедураларының кешенінен өтіп, денсаулықтарын қалпына келтіру мүмкіндігіне ие болды. Сауықтыру орталықтарының басым көпшілігі қорық аймақтарында орналасқандықтан, сауықтыру бағдарламасы сауығуға жағымды әсер етті, — дейді «Локомотив» АҚ атқарушы директоры Гүлайнұр Қажығұлова.