«Локомотив» АҚ өз жұмыскерлерінің балаларына Жаңа жыл сыйлықтарын табыс етуде

Жаңа жыл үлкендер-де, балалар да асыға күтетін мерекелердің бірі екені белгілі. Бар әлемнің балдырғандары үшін бұл барлық армандар орындалатын нағыз сиқырлықтың кезі. «Локомотив» АҚ өз еңбеккерлерінің бүлдіршіндеріне арнап, дәстүрлі тәттілер мен жаңа жылдық көрініс түрінде сыйлық әзірледі.

— «Локомотив» АҚ біздің балдырғандарымызға арнап, жаңа жылдық сыйлықтарды сатып алу үшін жыл сайын қаражат бөледі. Бұл ретте балалардың естерінде осы керемет мереке жайлы тек жарқын оқиғалар қалсын деген мақсат көзделген. Бұнымен қатар, осының барлығы балаларда теміржол мамандықтарына деген белсенді қызығушылық қалыптастыру мүмкіндігін беретіндіктен, біз жаңа ұрпақ локомотившілерінің тәрбиесіне әсер етуге ұмтыламыз, — дейді «Локомотив» АҚ атқарушы директоры Гүлайнұр Қажығұлова.