Iзгi тiлекпен

Биыл біздің «Локомотив» АҚ үшін ерекше жыл. Компания он жылдық үлкен белеске көтеріліп, «Қазақстан темір жолы» ҰК» АҚ-ның алдыңғы қатардағы еншілес ұйымдарының біріне айналды.

Алғашқы жылдары, компанияның құрылып-қалыптасу кезеңінде түрлі қиындықтар болғанын жасырмаймыз. Бүгін міне, сол қиындықтардан шыңдалып, компания іргелі мекемеге айналды. Мен компания құрылған күннен бастап Отын-энергетикалық қорлар басқармасында жұмыс істеп келемін. Біздің басқарма — компанияның пойыздар күшіне арналған отын-энергетикалық қорларды тиімді пайдалануды, қор үнемдейтін технологиялар мен техникалық құралдарды, озық және жоғарғы үнемдегіш инженерлік іс-шараларды әзірлеп, талдау және енгізу жұмыстарын үйлестіреді. Бүгінгі күн талабына сай басқарма жұмысы да заманауи құрал-жабдықтармен толық қамтылған. Бұрынғы адам қолымен атқарылатын жұмыстардың барлығы толықтай автоматқа көшірілді десек болады. Тіпті, диспетчерлердің тартымды күші-де автоматтық жүйеге ауысты. Алдағы таңда бұл жаңа технология бойынша барлық жұмысты автоматтың өзі атқарып, мамандарға тек сараптамалық жұмысты ғана қалдырады. Біздің басты бағытымыз, аз күш жұмсап, көп жұмысты нәтижелі атқару. Таяуда, біз отын-энергетикалық қорды тиімді үнемдеу, жұмысты дұрыс үйлестіре білгеніміз үшін энерго-менеджменттен арнайы сертификат алдық. Бұл, компания үшін үлкен абырой. Осындай он жылды толайым табыстармен қарсы алып отырған барлық ұжымды үлкен мерекемен шын жүректен құттықтап, барлықтарыңызға зор бақыт, амандық тілеймін!

Ольга ЛОБАНОВА, Отын-энергетикалық қорлар басқармасының бастығы