Мамандығым – мақтанышым

Темір жолдың бойында өскен қай бала машинист болуды армандамайды?! Мен алғаш тепловоз тізгінін ұстағанымда бала күнгі арманым орындалғандай болды. Алып машинаның гүрілі, сартылдаған дыбыс өзгелердің құлағына жағымсыз естілсе біздер, машинистер, үшін оны бір күн естімесек ауырып қалатындаймыз.

Осы уақытқа дейін алты түрлі тепловоздың тізгініне ие болдым. Тепловоздардың бірінен-бірі айырмашылығы жоқ. Жанар-жағар майы бір, тек қосымша құрылғылары жетілдірілген, машинистің жол қозғалысын қадағалауына мүмкіндіктер жасалған. Ал соңғы технологияның бірі - «Эволюшнде» өзгеріс көп, жетілген машина. Бәрі жаңа, ең бастысы машинистің жол қауіпсіздігін қамтамасыз етіп, шит-құрылғыларды бақылап отыруына көп жағдай жасалынған.

Қызылорда локомотив пайдалану депосына сонау 1976 жылы жұмысқа келіп, төпт жылдан соң ғана машинист көмекшісіболдым, ал араға төрт жыл салып машинист болып жеке-дара тізгін ұстадым. Қазір бірінші классты тепловоз машинисімін. Машинист - мәртебелі мамандық. «ҚТЖ» ҰК» АҚ президентінің Алғыс хатымен марапатталған мен осы мамандықтың өкілі болғанымды мақтаныш еттім.

Қазақстандағы барлық теміржолшыларды кәсіби мерекемен құттықтап, жұмыста табысты, жанұяда бақытты болуына тілектеспін.

Шаяхмет СЕРЕНБЕТОВ,

Қызылорда локомотив пайдалану депосы машинисі

«Казахстан темиржолысы»