«Біз теміржол қауіпсіздігі үшін!» флэш-моб өткізілуі туралы

       Астана вокзалы темір жол перронында «Біз теміржол қауіпсіздігі үшін!» флэш-моб өткізілді. Оған СВ көңілділер мен тапқырлар клубының командасы қатысты. Акция кезінде олар жолаушыларды темір жол бойында қозғалыс қауіпсіздігін сақтауға шақырды. Сондай –ақ, жолаушыларға темір жолда жасауға болмайтын іс әрекеттер туралы буклеттер табыс етті. Оның ішінде пойыз қозғалыс кезінде жол бойында жүруге, белгіленбеген тұстан өтуге болмайтындығы айтылған. Бүгінгі таңда ойланбай асығыс жасалған қадамдардан көптеген жүргіншілер зардап шегіп жатыр.

Шараны өткізуші – «Локомотив» АҚ темір жолдағы қауіпсіздік шараларына алаңдаушылық білдіреді. Статистикалық мәліметтерге қарағанда, жылына темір жолда жүзден астам адамды пойыз қағып кетсе, оның 75 пайызы өлім жағдайына әкеліп соқтырады. Жүргізушілердің алаңсыздығы - жолаушылардың қасіретіне айналды. Орташа алғанда жылына локомотивтің автокөлікпен соқтығысуының 30 оқиғасы орын алса, оның 25 пайызы кісі өліміне әкеліп отыр. Пойыз сағатына 40-60 шақырым жылдамдықпен келе жатқанда, 300-600 метрден тоқтату мүмкін емес.

Акцияға қатысушылар қазақстандықтарды: «Темір жолда абай болыңыздар!», «Өз қауіпсіздігіңізді ойлаңыз!», «Сізді үйде отбасыңыз күтіп отыр!», «Өз өміріңді өзің қорға!» секілді ескерту плакаттарын алып жүрді.

Флеш-моб ұйымдастырушылар жол қауіпсіздігі Ережелерін үнемі қайталап отыру, әсіресе, балалардың жазғы каникулы мезгілінде маңызды екендігін атап өтті.