Отызға жуық маман Қазақстандағы үздік машинист атағы үшін күресуде
Байқау қорытындысы бойынша жеңімпаз болуға лайықтарды арнайы комиссия саралайды. Әрбір филиалдағы пайдалану жөніндегі директордың орынбасары басқарған комиссия құрамына тәжірибелі нұсқаушы машинистер, кадр бөлімінің бастықтары, Қазақстан Республикасы теміржолшыларының кәсіподақ ұйымы - «Локомотив» филиалы қоғамдық бірлестігінің өкілдері енгізілді.
Бірінші тур бойынша барлық деңгейдегі бір жыл болса да еңбек еткен және жұмысында ақауға жол бермеген машинистер, маневрлік пойыздардың машинистері де байқауда бақтарын сынады.
Алғашқы турда конкурсқа қатысушылардың пойыз қозғалысындағы және маневрлік қозғалыс кезіндегі, белгі беру және байланыс желісі, жылжымалы құрамның тежегішін пайдаланудың Техникалық пайдалану Ережесін және Нұсқамалығын білу деңгейі бағаланды. Сондай-ақ, басқа да нормативтік құжаттар негізінде локомотив бригадасының қозғалыс қауіпсіздігін қамтамасыз ету Бұйрығы қаралды.
Бірінші кезең бойынша 29 машинист іріктелді. Олар мамыр айының соңында Қызылорда депосында құрметті атақ үшін бақтарын сынайтын болады. Екінші кезең қорытындысы бойынша үздік машиниске ауыспалы кубок пен ақшалай сыйлық беріледі.
«Жыл машинисі» байқауы локомотившілер арасында мамандықтың мәртебесін көтеру және машинистердің өзін өзі дамытуы, еңбеккерлердің арасында ынталандыру жұмыстарын жетілдіру, кәсіпорынның командалық насқаушылық құрамына кадр резервін жасақтау мақсатында 2007 жылдан бері тұрақты өткізіп келеді.
«Локомотив» АҚ баспасөз қызметі
