Мұз айдынын құйып берді

Қандыағаш локомотив пайдалану депосына қарасты Никельтау айналым депосының ұжымы ойын балаларына үлкен қуаныш сыйлап, мұз айдынын тұрғызып берді.

– Бұл тартудың қызығын тек машинистердің балалары ғана емес, ауылдың өзге бүлдіршіндері де көруде.Ойын балалары үшін корт тұрғыздық. Осындағы барлық локомотившілер бірлесе отырып, жеткіншектерге сыйлық жасасақ деп шешкен едік. Кешеннің әмбебаптылығы сол оны хоккей алаңы ретінде де, шағын футбол үшін де, волейбол ойындары үшін де пайдалануға болады. Мұз айдынының ұзындығы 36 метр, ені 17 метрді құрайды.

Балалар бос уақыттарын компьютер мен теледидар алдында өткізбей, салауатты өмір салтын ұстанып, спортпен айналысатын болады. «ҚТЖ» ҰК»АҚ-ның да, біздің бас кеңсе «Локомотив» АҚ-ның да салауатты өмір салтын насихаттау маңызды міндеттерінің бірі болып табылады, – дейді Никельтау айналым депосының бастығы Сұлтангерей Әбдірахманов.

Бекбол ҚҰЛДАН

«Қазақстан теміржолшысы»