«Локомотив» АҚ филиалы – Алматы локомотив пайдалану депосының ғимараты баламалы жылу көзінен жылытылады.

Ғимараттың жылу жүйесі мен ыстық суы «Grean Heat» ауа суы мен жылу сорғысы арқылы қамтылады. Бұл ғажайып табиғи ресурсты тиімді сақтау қондырғысы жылу қуатын едәуір үнемдейді. Мамандардың айтуынша, мұндай қондырғыны орнату дәстүрлі жылу жүйесіне қарағанда шығынды 70 пайызға үнемдейді. Қондырғы 2012 жылғы желтоқсанда өндіріске енгізілді.

Жылу сорғысының қызметі ауадағы ылғалды жинау мен оны радиаторда жинақтап, ауадан жылу энергиясын өндіреді. Сорғының жұмысы 47 градус суыққа да кепілдік береді. Жылу сорғысы қоршаған ортаға да, жылуды пайдаланып отырған жандардың денсаулығына да зиянды емес. Ол жылу отынын жақпайды. Соған сәйкес зиянды қалдық шығармайды. Топырақ қабатын ластамайды.

Әлемдік энергетика комитетінің болжауына қарағанда, 2020 жылдары жылу сорғыларымен жылу беру қарқыны 75 пайызға жетеді. Бүгінгі таңда Швецияда мұндай жылу жүйесі 50 пайызды құраса, АҚШ-та 35 пайызға тең. Германияда жылу сорғысы қондырғысын орналастыру қызметін қолдау мақсатында мемлекет әрбір кВт сағатына 100 еуродан (дотация) қайтарымсыз қаржы бөліп отырады.

«Локомотив» АҚ баспасөз қызметі