«Локомотив» АҚ «Жолда адам» қауіпсіздік айлығының қорытындысын жасады.

Қауіпсіздік айлығы желтоқсанның 1-30 аралығында өткізілді. Осыған орай «Локомотив» АҚ филиалдарында ұйымдастыру техникалық шаралары жасалып теміржолға қатысы жоқ адамдармен алдын алу жұмыстары атқарылды. Темір жол бойына, станцияларға жақын оқу орындарында түсіндіру жұмыстары өткізілді. 400 әңгіме өткізіліп, онда барлығы 20950 адам қамтылды. БАҚ-ында 56 газеттік мақалалар, 13 теледидарда, 3 рет радиода хабарландыру жасалды. Локомотив және жол шаруашылығы саласы еңбеккерлері темір жол станциясы тұрғындарымен 450 кездесу өткізіп, 7,5 мың адам қамтылды. Олардың барлығына «Теміржолды кесіп өтудің Ережесі» таратылды. Қоғамдық орындарда, ғимараттарда, теміржолға жақын орналасқан оқу орындарында «Темір жол-аса қауіпті аймақ» тақырыбында плакаттар ілінді.
Қауіпсіздік айлығы аясында 105 ескерту белгілері орнатылды. Қосымша 93 ескерту белгісі орнатылды. Бір жол өткелі жабылды.