«Қазақстан темір жолы» Ұлы Отан Соғысы ардагерлері мен мүгедектеріне пойызда тегін жүруге жағдай жасайды

«Қазақстан темір жолы» ҰК» АҚ Ұлы Жеңістің 67 жылдық мерейтойына орай 2012 жылдың 1 мамырынан 31 желтоқсанына дейін Ұлы Отан соғысының ардагерлері мен мүгедектеріне пойыздарда тегін жол жүру жылсайынғы акциясын өткізуде.

Мерекелік акция аясында ҰОС ардагерлері мен мүгедектері Қазақстан Республикасы мен Тәуелсіз Мемлекеттер Достастығы елдері аумағында темір жол көліктерінде тегін жүре алады. Ардагерлер бару – қайту нүктелеріне дейін пойыздардың барлық категориялары мен бағыттарын (ТМД аралығында), сонымен қатар қала - аралық пойыздарда да купелік вагондармен жүру мүмкіндігіне ие.

Ардагерлер тегін билетті темір жол кассаларынан ала алады. Өзімен бірге жеке куәлігі сонымен қатар, ҰОС ардагері немесе мүгедегі туралы куәлігінің түпнұсқасы мен көшірмесі болуы қажет.

Аталған акция «Talgo» пойызымен жүруге қарастырылмайды.

Акцияны өткізу туралы қажетті ақпаратты «Жолаушылар тасымалы» АҚ-ның теміржол кассалары мен тәулік бойы жұмыс істейтін «105» анықтама телефонынан алуға болады.