Электровоз өндірісі қарқын алады

Қазақстан Республикасының Президенті Нұрсұлтан Назарбаевтың Француз Рес­публикасына ресми сапары аясында «Қазақстан темір жолы» ҰК» АҚ бірқатар тиімді уағдаластықтарға қол жеткізді.

«Қазақстан темір жолы» ҰК» АҚ мен «Электровоз құрастыру зауыты» ЖШС, француздың ALSTOM Transport SA, «Трансмашхолдинг» ЖАҚ KZ8A сериясындағы 95 дана жолаушылар электровозын алу жөнінде келісімге сәйкес, «ҚТЖ» ҰК» АҚ еншілес кәсіпорны «Локомотив» АҚ бірлескен кәсіпорыннан («ҚТЖ» ҰК» АҚ мен ALSTOM Transport SA, «Трансмашхолдинг» ЖАҚ) KZ8А сериясындағы 200 дана жүк электровозы мен KZ4АТ сериясындағы 95 дана жолаушылар электровозын алады.

Оған қоса, ALSTOM, «Трансмашхолдинг» ЖАҚ зауытқа электровоздың жинақтаушы құралдарын да жеткізеді.

Электровоздар ең соңғы үлгідегі әлемдік талаптарға сай келетін қауіпсіздік пен сапалық технологиясымен жүзеге асырылады. Бұған қоса, өндірісті бірте-бірте жинақтау құралдарын 72 пайызға дейін ел аумағында жасау жоспары бар.

Астанада электровоз өндірісі зауыты 2012 жылы пайдалануға берілмек.