Дүниежүзілік еңбекті қорғау күні

Дүниежүзілік еңбекті қорғау күні жыл сайын 28 сәуірде атап өтіледі және жұмысшылардың қауіпсіздігі мен денсаулығына назар аударудың маңызды алаңы болып табылады. Осы іс-шара аясында жыл сайын, 28 сәуірде кәсіподақ комитетінің қолдауымен "ҚТЖ-Жүк тасымалы" ЖШС филиалдарында Дүниежүзілік еңбекті қорғау күні атап өтіледі, оның шеңберінде өндірісте жарақат алған қызметкерлерге бару ұйымдастырылады. Биылғы жылы "ҚТЖ-Жүк тасымалы" ЖШС филиалдарының кәсіподақ комитетінің басшылары, сондай-ақ филиалдардың еңбекті қорғау қызметтері мен пайдалану локомотив депосының қызметкерлері өндірісте жарақат алған қызметкерлерге, сондай-ақ бағалы сыйлықтар табыс етілген зардап шеккендердің отбасыларына баруды ұйымдастырды.