ПРЕСС-РЕЛИЗ

2026 жылғы 27 ақпанда «ҚТЖ – Жүк тасымалдары» ЖШС «Ақмола» филиалында алдағы республикалық референдумға қатысты түсіндіру жұмыстары жүргізілді. Кездесу филиал директоры Бекенов Саят Сағдатұлының төрағалығымен және Ақмола облыстық мәслихатының депутаты Шоназаров Ұмардың қатысуымен өтті. Ұжымның бір бөлігі іс-шараға ZOOM платформасы арқылы онлайн форматта қосылды. Кездесу барысында спикерлер жаңа Конституция жобасының негізгі ережелеріне тоқталып, әділеттілік қағидаттарын нығайту, азаматтардың құқықтарын қорғау тетіктерін жетілдіру, мемлекеттік басқарудың ашықтығын арттыру және қоғамдық қатысу мүмкіндіктерін кеңейту мәселелерін егжей-тегжейлі түсіндірді. Филиал қызметкерлері талқылауға белсенді қатысып, тұрақты құқықтық ортаның көлік-логистика саласының дамуына және еңбек жағдайларының сапасын арттыруға маңыздылығын атап өтті. Қатысушылар алдағы конституциялық өзгерістердің саланың тиімді жұмыс істеуі мен компанияның ұзақ мерзімді жобаларын жүзеге асыру үшін стратегиялық мәнге ие екенін ерекше атап өтті.