«Павлодар» филиалы қызметкерлерімен жаңа Конституция жобасы бойынша кездесу

2026 жылғы 3 наурызда «ҚТЖ-Жүк тасымалдары» ЖШС «Павлодар» филиалының станция агенттік пунктінің мәжіліс залында Қазақстан Республикасының жаңа Конституциясы жобасы бойынша алдағы республикалық референдумға арналған қызметкерлермен кездесу өтті. Іс-шараға ГПФ-3 филиалының директоры Тайжанов А.С. жетекшілік етті. Кездесуге сондай-ақ Павлодар қаласы әкімдігінің ұйымдастыру-инспекторлық бөлімінің басшысы Нұрсейітов А.Р., ГПФ-3 филиалының экономика және қаржы жөніндегі директордың орынбасары Қанатбаев Д.Н., заң бөлімінің бастығы Полюдова Л.П. қатысты. Кездесу барысында қатысушыларға Конституция жобасының негізгі ережелері түсіндіріліп, қызметкерлердің сұрақтарына жауап берілді. Іс-шараға барлығы 83 қызметкер қатысты. Ұжымға ақпарат беру жұмысы жүйелі түрде және Қазақстан Республикасының қолданыстағы заңнамасы аясында жүргізілуде.