ҚТЖ отандық экспорттаушыларды қолдауды жалғастыруда

2025 жылдың 11 айының қорытындысы бойынша «Қазақстан темір жолы» ҰК» АҚ желісімен жүк тасымалының көлемі 287,8 млн тоннаға жетті, бұл 2024 жылдың осындай кезеңімен салыстырғанда 11,5 млн тоннаға (+4%) көп.

Теміржол көлігімен экспорттық тасымалдар 80,2 млн тоннаға өсіп, өткен жылмен салыстырғанда 4,9 млн тоннаға (+6%) артты.

Көмір тасымалы 8%-ға ұлғайып, 31,2 млн тоннаға жетті. Өсім Ресейге, Еуропалық одақ елдеріне және Орталық Азияға қатты отын жеткізулердің артуы есебінен қамтамасыз етілді.

Астық тасымалының көлемі 9,7 млн тоннаны құрады (+2,6 млн тонна, +36%).

Орталық Азия елдеріне 5,6 млн тонна жөнелтілді (+32%), соның ішінде:

• Өзбекстан — 4,0 млн тонна (+31%),

• Тәжікстан — 1,3 млн тонна (+19%),

• Қырғызстан — 300 мың тонна (үш есеге өсті).

Иран бағытына 800 мың тонна астық тасымалданды (екі есеге өсті).

Ресей аумағы арқылы өтетін транзиттік тасымал 2,2 млн тоннаға дейін ұлғайды (3,2 есе өсім), оның ішінде:

• Қара теңіз порттары — 350 мың тонна (+51%),

• Балтық порттары — 161 мың тонна (+96%),

• Балтық елдері мен порттарына — 724 мың тонна (сегіз еселік өсім).

Астықты қайта өңдеу өнімдері мен құрама жем жөнелтілімі 4,2 млн тоннаға жетті (+1,5 млн тонна, +57%). Елеулі өсім Қытайға құрама жем жеткізудің артуы есебінен қамтамасыз етілді: көлем 2,9 млн тоннаға дейін жетіп, өткен жылғы деңгейден шамамен төрт есе асты.

«ҚТЖ» логистиканы дамыту, тасымал тиімділігін арттыру және Қазақстан аумағы мен экспорттық қатынастарда жүк ағынының тұрақты өсімін қамтамасыз ету бойынша жұмысын жалғастыруда.