«ҚТЖ-Жүк тасымалы» ЖШС филиалы — «Ақтөбе жүк тасымалы бөлімшесінде» еңбек ардагерлерін құрметпен зейнетке шығару рәсімі өтті

Көп жылдар бойы теміржол саласының дамуына айрықша үлес қосып, жоғары кәсібилік, жауапкершілік және ісіне адалдық танытқан екі құрметті қызметкерді ұжым салтанатты түрде зейнеткерлік демалысқа шығарып салды.

• Шатаякова Клара Жұмағұлқызы — тасымалдауды ұйымдастыру және шарттары бөліміның бастығы;

• Сапақов Байқадам Наурызбайұлы — Ақтөбе қаласындағы агенттік пункттің бастығы.

Филиал басшылығы көпжылдық адал еңбегі, жоғары құзыреттілігі және ұжым өміріне белсенді қатысқаны үшін алғыс білдірді.

Еңбек ардагерлеріне темір жолдың олар үшін жай ғана мамандық емес, өмірінің маңызды бөлігіне айналғаны атап өтіліп, ыстық ықылас пен ризашылық сөздері, денсаулық, амандық және ұзақ ғұмыр тілеулер айтылды.