«ҚТЖ-Жүк тасымалы» ЖШС Бас инженері Қызылорда жол бөлімшесінің күзгі комиссиялық қарауын бақылау тексерісінен өткізді

Күзгі-қысқы кезеңге дайындық аясында «ҚТЖ-Жүк тасымалы» ЖШС бас инженері Марлен Каримұлы Көктөрекбаев Қызылорда жол бөлімшесіне қарасты кәсіпорындарға бақылау тексерісін жүргізді.

Комиссиялық қарау барысында пайдалану локомотив деполарының, станциялар мен құрылымдық бөлімшелердің қысқы жағдайда жұмыс істеуге дайындығы тексерілді. Ерекше назар пойыз қозғалысы қауіпсіздігін қамтамасыз етуге, локомотив паркі жұмысының сенімділігіне, жылыту жүйелеріне, сондай-ақ отын мен материалдар қорына аударылды.

Тексеру қорытындысы бойынша бөлімшенің барлық кәсіпорындары қысқы кезеңге қажетті дайындықты қамтамасыз еткені және төмен температура жағдайында тұрақты жұмыс істеуге әзір екені анықталды.