«ҚТЖ-Жүк тасымалы» ЖШС филиалдарында SRS сауалнамасы мен Өндірістік қатынастар бойынша түсіндіру жұмыстары жүргізілді

Жыл сайынғы SRS (Әлеуметтік тұрақтылық рейтингі) зерттеуі және өндірістік қатынастар бойынша сауалнама аясында «ҚТЖ-Жүк тасымалы» ЖШС-нің барлық филиалдарында еңбек ұжымдарымен түсіндіру кездесулері өтті.

Іс-шараның мақсаты — сауалнамаларды өткізу тәртібі, олардың маңызы және зерттеулердің ресми сипаты туралы қызметкерлерді хабардар ету.

Кездесулер барысында сауалнама «Самұрық-Қазына» АҚ Қоры тарапынан корпоративтік әлеуметтік тұрақтылықты мониторингтеу жүйесі шеңберінде жүргізілетіні туралы ақпарат жеткізілді.

Сондай-ақ сауалнама шеңберінде жолданатын барлық сілтемелер мен телефон қоңырауларының шынайы әрі ресми екені атап өтілді.

Аталған зерттеулер еңбек ұжымдарындағы әлеуметтік тұрақтылық деңгейін уақтылы анықтап, талдауға, жұмыс беруші мен қызметкерлер арасындағы әріптестік қатынастарды нығайтуға, сондай-ақ корпоративтік мәдениеттің тиімділігін арттыруға мүмкіндік береді.