Локомотив шаруашылығы мамандарына арналған Wabtec техникалық семинары
22 қазан 2025 жылы Wabtec компаниясы магистралдық тепловоздардың ТЭ33А, ТЭ33АС және ТЭП33А сериялары бойынша конструкциялық өзгерістер мен олардың техникалық жағдайын жақсарту жөніндегі іске асырылып жатқан шараларға арналған техникалық семинар өткізді.
Іс-шараға магистралдық тепловоздарды пайдалануға тартылған қызметкерлер — локомотив деполарының өкілдері, локомотив қабылдаушылары және машинист-нұсқаушылар, соның ішінде ТЧЭЗП Аягөз ұжымы қатысты.
Қатысушыларға құттықтау сөзін «ҚТЖ-Жүк тасымалы» ЖШС Бас директоры Асан Изглеуович Умбетов жолдап, Wabtec компаниясымен тығыз өзара іс-қимылдың және қызметкерлердің біліктілігін жүйелі түрде арттырудың маңызын атап өтті.
«Бірлескен оқыту іс-шаралары персоналдың техникалық құзыреттерін нығайтуға, локомотивтердің сенімді пайдаланылуын қамтамасыз етуге және еңбекті қорғау мен техника қауіпсіздігі талаптарының қатаң сақталуына мүмкіндік береді», — деді Асан Умбетов.
Семинар қорытындысы бойынша қатысушылар өзекті техникалық мәселелерді талқылап, Wabtec өкілдерімен бірлесіп слесарьлар мен локомотив деполары мамандарын одан әрі оқытуды жоспарлады.
