Қарағанда «ҚТЖ-Жүк тасымалы» ЖШС Корпоративтік даму бағдарламасы аясында локомотив шаруашылығы қызметкерлерін оқыту басталды

Қарағандыда «ҚТЖ-Жүк тасымалы» ЖШС-нің Корпоративтік даму бағдарламасы шеңберінде локомотив шаруашылығының 20 қызметкерінен құралған алғашқы топтың оқуы және тәжірибе алмасуы басталды. Бағдарлама мемлекеттік «Жұмысшы мамандықтар жылы» бастамасын қолдау мақсатында іске асырылуда.

Жобаға Қазақстанның барлық өңірлерінен 280 қызметкер қатысуда. Қатысушылар 14 өңірлік топқа бөлінген, олардың құрамына локомотив және жүк шаруашылығы өкілдері енді.

Бағдарлама кәсіби және көшбасшылық құзыреттерді дамытуға, корпоративтік мәдениетті нығайтуға және өңірлер арасындағы тәжірибе алмасуды жандандыруға бағытталған. Оқу барысында қатысушылар өз жобалары мен презентацияларын ұсынады, олардың үздік нұсқалары Қоғамның кәсіпорындарында енгізу үшін ұсынылады.

Бағдарламаны іске асыру бастамашыл қызметкерлерді анықтауға және қолдауға, компанияның кадрлық әлеуетін қалыптастыруға, өндірістік үдерістердің тиімділігін арттыруға ықпал етеді.

Бірлесе отырып — кәсіби шеберліктің жаңа шыңдарына!