Достық станциясының қызметкерлері «Таза Қазақстан» акциясы аясында 740-тан астам көшет отырғызды

«Таза Қазақстан» республикалық экологиялық акциясы шеңберінде «ҚТЖ-Жүк тасымалы» ЖШС филиалы – «Достық станциясы» сенбілік өткізіп, станция аумағына 740-тан астам көшет отырғызды.

Іс-шараға филиалдың барлық қызметкерлері қатысып, ұжымның ұйымшылдығын және Компанияның экологиялық құндылықтарына берік ұстанымын көрсетті.

Акцияның мақсаты — аумақтарды көгалдандыру, экологиялық жағдайды жақсарту және қоршаған ортаға ұқыпты қарау мәдениетін қалыптастыру.

Филиалдың бас инженері Байғонысов Д.К. «ҚТЖ-Жүк тасымалы» ЖШС «Қызылорда жүк тасымалы бөлімшесінен» экологиялық челленджді қабылдап, сенбілік аяқталғаннан кейін эстафетаны келесі қатысушыға — «ҚТЖ-Жүк тасымалы» ЖШС «Алтынкөл станциясына» жолдады.

«Таза Қазақстан» экологиялық бастамасы Достық станциясы торабының барлық бөлімшелерінде жалғасып, қамтылатын аумақтарды кеңейтіп, Компания қызметкерлерінің экологиялық қозғалысқа қатысуын одан әрі арттырады.